ໃນວັນທີ 15 ຕຸລາ 2024 ທີ່ທີ່ຜ່ານມາ ສູນສົ່ງເສີມ ການພັດທະນາ SME ຂອງຈີນ, ພະແນກອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ ແຂວງ ຢຸນນານ ແລະ ການຮ່ວມມືສາກົນຈີນ ໄດ້ຈັດເວທີເສວະນາ ASEAN+3 Forum on “Digital Empowerment for SMEs Green Development and Digital Cooperation Matchmaking of South and Southeast Asia” ທີ່ນະຄອນ ຄຸນໝິງ, ແຂວງ ຢູນນານ, ສປ ຈີນ.
ເວທີເສວະນາຄັ້ງນີ້ແມ່ນມຸ່ງເນັ້ນໃສ່ການຊ່ວຍເຫຼືອ SMEs ໃຫ້ເຂົ້າໃຈກາລະໂອກາດຂອງການດຳເນີນທຸລະກິດໃນຍຸກເສດຖະກິດດິຈິຕອລ, ປະຕິບັດການຫັນປ່ຽນການຮ່ວມມືດ້ານດິຈິຕອລ ແລະທຸລະກິດສີຂຽວໃຫ້ດີຂຶ້ນ, ແລະ ບັນລຸການພັດທະນາຢ່າງວ່ອງໄວໃນນະວັດຕະກຳເຕັກໂນໂລຊີ, ປະສິດທິພາບການດຳເນີນງານ ແລະ ຍຸດທະສາດການຂະຫຍາຍສູ່ລະດັບສາກົນ.
ເວທີເສວະນາໃນຄັ້ງນີ້ ໄດ້ເຊື້ອເຊີນຜູ້ຕາງຫນ້າຈາກພະແນກການຂອງລັດ, ມະຫາວິທະຍາໄລ ແລະ ສະຖາບັນຄົ້ນຄ້ວາ, ອົງການຈັດຕັ້ງສັງຄົມທີ່ເປັນຂົວຕໍ່ໃຫ້ແກ່ພາກລັດ ແລະ ພາກທຸລະກິດ ແລະ ຜູ້ນໍາດ້ານການຫັນເປັນດິຈິຕອລ, ລວມທັງ SMEs ທີ່ມີມີປະສົບການສູງ ເພື່ອວິເຄາະ ແລະ ປຶກສາຫາລືກັນ ຈາກມຸມມອງ ແລະ ທັດສະນະທາງວິຊາຊີບຂອງຕົນເອງ, ແລະ ເປັນເວທີສໍາລັບການສື່ສານ ແລະ ການແລກປ່ຽນເພື່ອຊ່ວຍໃຫ້ SME ຮັບຮູ້ການຫັນເປັນດິຈິຕອລ ແລະ ການພັດທະນາສີຂຽວ. ນອກຈາກເວທີເສວະນາແລ້ວ, ບັນດາຜູ້ເຂົ້າຮ່ວມຍັງໄດ້ໄປຢ້ຽມຊົມນິຄົມອຸດສາຫະກຳ, ອົງກອນ ແລະ ບັນດາສະຖາບັນຄົ້ນຄວ້າຢູ່ ນະຄອນຄຸນໝິງ.
