ໃນວັນທີ 30 ສິງຫາ 2024 ທີ່ຜ່ານມາ, ສູນບໍລີການ ວິສາຫະກິດຂະໜາດນ້ອຍ ແລະ ກາງ (ສບວ), ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ເຂົ້າຮ່ວມກອງປະຊຸມ “the 2024 New Energy Electric Vehicle Industry Development Forum 2024” ຈຸດປະສົງ ໃນການຮ່ວມງານໃນຄັ້ງນີ້ແມ່ນເພື່ອເພີ່ມທະວີການພົວພັນ ແລະ ຊຸກຍູ້ການຮ່ວມມືກັບບັນດາປະເທດອາຊຽນ. ພາຍໃນງານ ຍັງໄດ້ມີການນຳສະເໜີບົດລາຍງານກ່ຽວກັບ ນະໂຍບາຍ ແລະ ສີ່ງທ້າທາຍ ໃນການນຳໃຊ້ພະລັງງານທົດແທນສຳລັບຂະແໜງການຈາລະຈອນພາຍໃນປະເທດ ໂດຍ ທ່ານ ຫຸມເພັງ ເທືອມບຸນມີ ຮອງຫົວໜ້າກົມສົ່ງເສີມ ແລະ ປະຢັດພະລັງງານ, ກະຊວງ ພະລັງງານ ແລະ ບໍ່ແຮ່. ພ້ອມດຽວກັນນັ້ນ ຍັງມີເວທີເສວະນາທີ່ແນໃສ່ການນຳສະເໜີ ຍຸດທະສາດຂອງ ເມືອງ ກຸຍກາງ ເຊີ່ງເປັນສູນກາງດ້ານການນຳໃຊ້ນະວັດຕະກຳທີ່ທັນສະໄໜ ໃນການຜະລິດລົດໄຟຟ້າ ອັນດັບ 1 ຂອງຈີນ ແລະ ເພີ່ມໂອກາດໃຫ້ຜູ້ເຂົ້າຮ່ວມງານໄດ້ພົບປະກັບຜູ້ປະກອບການຈາກບັນດາ ປະເທດ ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ(RCEP)
