ໃນວັນທີ 20 ທັນວາ 2024, ສູນບໍລິການ ວິສາຫະກິດ ຂະໜາດນ້ອຍ ແລະ ກາງ ໄດ້ຈັດ ງານສົ່ງເສີມ ວັນຜູ້ປະກອບການໃຫ້ແກ່ໄວໜຸ່ມ ແລະ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (Entrepreneurship Day) ພາຍໃຕ້ການຮ່ວມມື ລະຫວ່າງ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ສູນບໍລິການວິສາຫະກິດ ຂະໜາດນ້ອຍ ແລະ ກາງ ຮ່ວມກັບ ສະພາການຄ້າ ແລະ ອຸດສາຫະກຳແຂວງ ບໍລິຄຳໄຊ, ສູນບໍລິການວິສາຫະກິດຂະໜາດນ້ອຍ ແລະ ກາງແຂວງ, ພະແນກອຸດສາຫະກຳ ແລະ ການຄ້າແຂວງ, ວິທະຍາໄລ ທີ່ເຂົ້າຮ່ວມຈາກແຂວງ. ພ້ອມການປະກອບສ່ວນຈາກພາກທຸລະກິດ ແລະ ອົງການຈັດຕັ້ງສາກົນ. ຈຸດປະສົງເປົ້າໝາຍງານດັ່ງກ່າວ ເພື່ອສົ່ງເສີມຜູ້ປະກອບກິດຈະການໄວໜຸ່ມກາຍເປັນຜູ້ປະກອບການໃນອານາຄົດ ແລະ ພັດທະນາວິສາຫະກິດຂະໜາດນ້ອຍ ແລະ ກາງ ສ້າງຄວາມເຂັ້ມແຂງ ແລະ ສົ່ງເສີມ ໃຫ້ໄວໜຸ່ມ ມີທັກສະ ຄວາມຮູ້, ຄວາມສາມາດໃນການປະກອບອາຊີບ ສ້າງໃຫ້ບັນດາໄວໜຸ່ມນັກສຶກສາ ໄດ້ມີໂອກາດສະແດງແນວຄວາມຄິດ, ແລກປ່ຽນບົດຮຽນ ປະສົບການ ແລະ ຮັບຟັງຮຽນຮູ້ກັບຜູ້ທີ່ມີປະສົບຜົນສໍາເລັດໃນການດໍາເນີນທຸລະກິດຜ່ານມາ. ໃນງານໄດ້ມີການມອບຊຸດຄອມພິວເຕີໃຫ້ແກ່ ສູນບໍລິການ ວິສາຫະກິດ ຂະໜດນ້ອຍ ແລະ ກາງ ແຂວງບໍລິຄຳໄຊ ເຊິ່ງໄດ້ຮັບການສະໜັບສະໜຸນຈາກບໍລິສັດ D com
