ໃນຕອນເຊົ້າຂອງວັນທີ 14 ກໍລະກົດ 2025, ໄດ້ມີພິທີເປີດຊຸດຝຶກອົບຮົມ “ການແບ່ງປັນຜະລິດຕະພາບ ດິຈິຕອລ ເພື່ອສົ່ງເສີມການເຕີບໂຕຂອງທຸລະກິດ” ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ ເຊິ່ງໄດ້ຮັບກຽດເປັນປະທານໂດຍ ທ່ານ ທະນົງສິນ ກັນລະຍາ – ຮອງປະທານ ສະພາການຄ້າແລະ ອຸດສາຫະກຳ ແຫ່ງຊາດລາວ ແລະ ທ່ານ ວິລະກອນ ພິລົມລັກ – ຮອງຫົວໜ້າກົມສົ່ງເສີມ ຈຸນລະວິສາກະກິດ ວິສາຫະກິດຂະໜາດນ້ອຍແລະກາງ, ກະຊວງ ອຸດສາຫະກຳ ແລະ ການຄ້າ.
ພາຍໃນງານຍັງໄດ້ມີພິທີ ເຊັນ MOU ລະຫວ່າງ ອົງການຜະລິດຕະພາບແກ່ງຊາດລາວ ຮ່ວມກັບ ສຄອຊ, ເຊິ່ງຈຸດປະສົງຂອງການລົງນາມການຮ່ວມມືໃນລະຫວ່າງ NPO ແລະ ສຄອຊ ແມ່ນເພື່ອຮ່ວມມືສົ່ງເສີມ ແລະ ແລກປ່ຽນຄວາມຮູ້ດ້ານການເພີ່ມຜະລິດຕະພາບ ເພື່ອຍົກລະດັບນະວັດຕະກຳ ແລະ ຂັບເຄື່ອນ Productivity Gainsharing. ຕາງໜ້າໃຫ້ແກ່ ອົງການຜະລິດຕະພາບແກ່ງຊາດລາວ ໂດຍ ທ່ານ ວິລະກອນ ພິລົມລັກ – ຮອງຫົວໜ້າກົມສົ່ງເສີມ ຈຸນລະວິສາກະກິດ ວິສາຫະກິດຂະໜາດນ້ອຍແລະກາງ, ກະຊວງ ອຸດສາຫະກຳ ແລະ ການຄ້າ ແລະ ຕາງໜ້າໃຫ້ແກ່ ສຄອຊ ທ່ານ ພຸດທະສອນ ພົມວິໃສ – ຫົວໜ້າສູນບໍລິການ sme, ຮອງເລຂາທິການ ສຄອຊ
