ໃນລະຫວ່າງ ວັນທີ 14-16 ມັງກອນ 2026 ສູນບໍລິການ ວິສາຫະກິດຂະໜາດນ້ອຍ ແລະ ກາງ, ສະພາການຄ້າ ແລະ ອຸດສາຫະກຳ ແຫ່ງຊາດລາວ ໄດ້ນຳພາຄະນະຜູ້ປະກອບກິດຈະການຈາກ ສປປ ລາວ ຫລາຍກວ່າ 30 ທ່ານ ເດີນທາງໄປເຂົ້າຮ່ວມງານສໍາມະນາ ແລະ ພົບປະຜູ້ປະກອບກິດຈະການຈັງຫວັດຊຽງໃໝ່ ພາຍໃຕ້ ໂຄງການຈັບຄູ່ທຸລະກິດ ແລະ ສ້າງເຄື່ອຂ່າຍຜູ້ປະກອບກິດຈະການໃນພື້ນທີ່ພາກເໜືອບົນເສັ້ນທາງເສດຖະກິດພາກເໜືອ ສປປ ລາວ (NORTHERN Thai-Laos BUSINESS MATCHING 2026) ເພື່ອເພີ່ມໂອກາດໃຫ້ຜູ້ປະກອບກິດຈະການລາວ-ໄທ ໄດ້ຮ່ວມພົບປະແລກປ່ຽນສິນຄ້າ ແລະ ຫາຄູ່ຄ້າທາງດ້ານທຸລະກິດຮ່ວມກັນລະຫວ່າງສອງປະເທດລາວ-ໄທ ໃນຂະແໜງການຄ້າບໍລິການນຳເຂົ້າ-ສົ່ງອອກໂລຈິສຕິກ, ການທ່ອງທ່ຽວ ໂຮງແຮມ ຮ້ານອາຫານ, ສິນຄ້າກາເຟ, ອາຫານແປຮູບ ນ້ຳໝາກໄມ້ ໝາກໄມ້ສົດ ໝາກໄມ້ອົບແຫ້ງ ແລະ ເຄື່ອງດື່ມ, ຢາສະໜູນໄພພື້ນເມືອງ, ສິນຄ້າເສີມຄວາມງາມ ແລະ ສິນຄ້າODOP.
ນອກນັ້ນທັງສອງຝ່າຍຍັງໄດ້ລົງນາມເຊັນສັນຍາ MOUຮ່ວມກັນ ໃນການສົ່ງເສີມ ແລະ ພັດທະນາສິນຄ້າຕ່າງໆຮ່ວມກັນ ເພື່ອກະກຽມຄວາມພ້ອມສົ່ງອອກສູ່ສາກົນ ເປັນຕົ້ນແມ່ນ ສສ ຫວຽດນາມ ແລະ ສປ ຈີນ ໃນອານາຄົດ. ຈັດຂື້ນທີ່ ສູນປະຊຸມນານາຊາດຄຸ້ມຄຳ ຈັງຫວັດ ຊຽງໃໝ່ ປະເທດໄທ.
